About

निक बेटा पाबय के लेल पहिले निक बाप बनु,निक बेटी पाबय के लेल पहिले निक माय बनु, दोसर के बेटा बेटी के निक बनायब त अपनो बेटा बेटी निक बनत,दोसर के बेटा बेटी के बिगारब त अपनो बगरबे करत।
स्वस्थ्य काया, आज्ञाकारी संतान, आज्ञाकारी पत्नी,निर्वाह जोग धन,हावादार एवं फुलगुल सं सुसज्जित तथा क्लेश रोग विहिन संस्कारी परिवार सुखी जीवन के आधार। जय सियाराम ।

ॐ सर्वे भवन्तु सुखिनः ।
सर्वे सन्तु निरामयाः ।
सर्वे भद्राणि पश्यन्तु ।
मा कश्चित् दुःख भाग्भवेत्
जय जानकी!

धर्म एव हतो हन्ति धर्मों रक्षति रक्षितः।
तस्माद्धर्मो न हन्तव्यो मा नो धर्मो हतोsवधीत्।।

जे धर्म के विनाश करैत अछि धर्म ओकरो विनाश क दैया आ जे धर्म के रक्षा करैत अछि त धर्म ओकर रक्षा करैया। ई त सत्य शाश्वत सनातन सदवचन अहि। जे पूर्ण सत्य अहि जाहि में स पूर्ण निकलियो जायत तखनो ओ पूर्ण अहि। जे सदा स चलि आबि रहल जे सदा रहत, जकर कहियो अंत नहिं हैयत आ जकर प्रारम्भ नहिं भेल कहियो वयह त शास्त्र अछि जकर सनातन स्वरूप विद्यमान अछि।

आउ कनी मिथिला के दलान पर किछु गप्प-शप्प करी। बहुत नीक लागि रहल जे चहुदिस मिथिला खुशहाल देखा रहल। धन्वंतरि प्राकट्योत्सव धनतेरस, दीपावली संग काली पूजाक धूम में जनमानस प्रसन्नचित्त में एकटा ग्रहणकाल सेहो आबि गेल। सूर्यग्रहणक समयावधि प्रायः सबके ज्ञात अछि। ग्रहण स पूर्व सूतक विचार मिथिला दिग्भर्मित अवश्य अछि। सूतक विचार शास्त्रीय पक्ष अछि नहीं कि व्यवहारिक।

शास्त्रानुगामी मिथिला कोना कही देबै जे मिथिला में सूतक विचार नहीं अछि। हाँ अज्ञात स्थिति में ठीक अछि किन्तु ओकर ज्ञात होवाक आवश्यक अछि। पूर्व में जनमानस में जानकारी नहीं चल मानि सकै छी। यद्यपि आजुक समय में उचित नहीं भ रहल। ग्रहण स पूर्व सूतक में मांगलिक कार्य, भगवान के स्पर्श, आहार आदि वर्जित अछि त मानवाक चाही।

आब जेना सुबह स मिथिलाक भूभाग में कतौ कतौ भ्रमण में किछु विद्वानक संग चर्चा परिचर्चा व किछु गामक काली पूजाक पूजनक कार्यक्रम निशा पूजन के उपरांत स्थगित अछि, ग्रहणक मोक्षक उपरांत पुनः जारी रहत। किछु गाम में पूजनक कार्यक्रम जारी अछि, खोइन्छक कार्यक्रम चलि रहल, भगवती के छागर देल जा रहलनि आ ओहि छागर पर कुश रखा रहल।
मिथिलाक विद्वान सब लोकनि पूर्व स निर्णय पर एवाक छलनि आ सूतक विचार पर जनमानस के निर्णय देवाक छलनि जाहि स शुचिताक संग सब आस्थाक श्रद्धाक विश्वास में वृद्धि होइतनि।

केवल एतवे कही देला स की मिथिलायां व्यवहारपक्षतः के निर्णय स चलि रहला त विवेच्य विषय अछि। ई पक्ष ताहि ठाम जत कुनो बिंदु पर शास्त्रक निर्णय स्पष्ट नहीं हुआ। अहि ठाम त शास्त्र स्पष्ट अछि आ मिथिला शास्त्रानुयायी रहल आ रहत। तैं सूतक समय में जे पूजनक कार्यक्रम चलि रहल ओ अनुचित भ रहल।

मिथिला के धर्माचरण आ सदाचरण रग रग में समाहित अछि आ रहवाक चाही।
जय जय सियाराम!

अपन संस्कृत अपन संस्कार सभक जीवनक अछि आधार